Ein Rabe quam an ein gras,
dô vant er, daz im liep was,
pfâwenvederen ein vil michel teil,
des wart er vrô unde geil.
die stiez er alle an sich,
dô wart er harte wünneclich
und gie, dâ er sîne genôzen vant.
zů den sprach er zehanta.
»nu sehet, wie rehte schœne ich bin!
ez wære ein michelunsin,
daz ich mit iu solde sîn,
dar umbe spottete man min.«
alsus wart im dannen gâch,
und quam vil schiere dar nâch,
dâ in die pfâwen sâhen;
die begunden dar gâhen.
swelhiu ir vederen dâ gesach,
diu gie dar unde sprach:
»disiu veder, diu ist entriuwen mîn,
sine sol niht langer bî dir sin.
weizgot, du læzest si mir!«
alsô zucte iesliche die ir,
unz er wart swarz alsam ê.
dô wart im zweier dinge wê:
daz im die vederen wâren genomen,
und ouch niht torste bekomen
zů andern sînen genôzen –
er vorhte spot grôzen.
den wolde er niht lîden
und begunde si durch daz miden
und meit si ein vil lange zit.
iedoch erbaldete er sît
unde gie baltliche dar.
dâ si wurden sîn gewar,
si sprâchen alle: »kumest du?
wâ sint dîne schœne vederen nu?«
des vrâgten si in alle
und brâten in sô ze schalle,
daz im lieber wære geschehen,
hæte er die vederen nie gesehen.
alsus tůt ein betrogen man:
und kumt in ein gewalt an,
sô vert er mit schalle
und versmæhet die alle,
den er ê was gelîch,
und machet sîn dinc sô hêrlich,
daz er selbe wænen wil,
daz niemen tugende habe sô vil,
als er habe an sich geleit;
und machet mit sîner betrogenheit,
swenne im der gewalt wirt benomen
und er ûz dem schalle můz komen:
die in ê vil gerne sâhen,
sæhen si in danne hâhen,
dar umbe lobeten si alle got.
sô můz er immer ir spot
lîden unz an sînen tôt.
daz erholt er âne nôt.
des ist er tump, der sich sô traget,
daz niemen sînen schaden klaget.
Ein Rabe quam an ein gras,
dô vant er, daz im liep was,
pfâwenvederen ein vil michel teil,
des wart er vrô unde geil.
die stiez er alle an sich,
dô wart er harte wünneclich
und gie, dâ er sîne genôzen vant.
zů den sprach er zehanta.
»nu sehet, wie rehte schœne ich bin!
ez wære ein michelunsin,
daz ich mit iu solde sîn,
dar umbe spottete man min.«
alsus wart im dannen gâch,
und quam vil schiere dar nâch,
dâ in die pfâwen sâhen;
die begunden dar gâhen.
swelhiu ir vederen dâ gesach,
diu gie dar unde sprach:
»disiu veder, diu ist entriuwen mîn,
sine sol niht langer bî dir sin.
weizgot, du læzest si mir!«
alsô zucte iesliche die ir,
unz er wart swarz alsam ê.
dô wart im zweier dinge wê:
daz im die vederen wâren genomen,
und ouch niht torste bekomen
zů andern sînen genôzen –
er vorhte spot grôzen.
den wolde er niht lîden
und begunde si durch daz miden
und meit si ein vil lange zit.
iedoch erbaldete er sît
unde gie baltliche dar.
dâ si wurden sîn gewar,
si sprâchen alle: »kumest du?
wâ sint dîne schœne vederen nu?«
des vrâgten si in alle
und brâten in sô ze schalle,
daz im lieber wære geschehen,
hæte er die vederen nie gesehen.
alsus tůt ein betrogen man:
und kumt in ein gewalt an,
sô vert er mit schalle
und versmæhet die alle,
den er ê was gelîch,
und machet sîn dinc sô hêrlich,
daz er selbe wænen wil,
daz niemen tugende habe sô vil,
als er habe an sich geleit;
und machet mit sîner betrogenheit,
swenne im der gewalt wirt benomen
und er ûz dem schalle můz komen:
die in ê vil gerne sâhen,
sæhen si in danne hâhen,
dar umbe lobeten si alle got.
sô můz er immer ir spot
lîden unz an sînen tôt.
daz erholt er âne nôt.
des ist er tump, der sich sô traget,
daz niemen sînen schaden klaget.
Tech